بانگەوازی ژمارە ٦٤ی گۆڤاری تیشک

بزووتنەوە کۆمەڵایەتییەکان لە کوردستان

 بەرەنگاری و بەردەوامی

بزووتنەوە کۆمەڵایەتییەکان هەوڵێکی ڕێکخراون لە نێوان ژمارەیەکی زۆری دانیشتوانی کۆمەڵگایەک، یان چەندین کۆمەڵگادا، بە مەبەستی وەدیهێنانی ئامانجێکی دیاریکراو یان زیاتر لە ئامانجێک. بزووتنەوە کۆمەڵایەتییەکان دەتوانن گۆڕانکاریی ڕیشەیی لەشێوەی بزووتنەوەیەکی شۆڕشگێرانە و ڕزگاریخوازانە هەتا دروستکردنی هەندێک چاکسازی لەخۆ بگرنەوە. لە سەردەمی مۆدێڕندا، یەکێک لە گرینگترین میکانیزمەکانی دروستکردنی گۆڕانکاری، یان پێشگرتن لە گۆڕانکارییەک، بزووتنەوە کۆمەڵایەتییەکانن.

لە مێژووی نوێی کوردستانیشدا، بزووتنەوەی ڕزگاریخوازیی کوردستان لەگەڵ شێخ عوبەیدوڵڵای نەهری و لە نیوەی دووهەمی سەدەی نۆزدەهەمەوە دەست پێ دەکات و لەو سەردەمە بەملاوە، کوردستان دەبێتە یەکێک لە گۆڕەپانە گەرمەکانی سەرهەڵدانی کۆمەڵێک بزووتنەوەی کۆمەڵایەتیی فرەچەشن، کە تا ئێستایش بەردەوامن. لەم نێوەندەدا، هەندێک لەم بزووتنەوانە، وەکوو ئەم بزووتنەوە سیاسی-کۆمەڵایەتییانەی کە ئامانجیان وەدەستهێنانی سەروەریی سیاسیی بۆ کوردستان بووە، بزووتنەوەکانی دابینکردنی یەکسانیی چیانەتی و جێندەری، بزووتنەوە ژینگەیی و خوێندکارییەکان، بزووتنەوەی وەرگێڕان و نووسین بە/بۆ زمانی کوردی دەچنە ڕیزی گرینگترین بزووتنەوە کۆمەڵایەتییەکانی کوردستان.

 لەم دواییانەیشدا، هاوکات لەناو دڵی ئەم بزووتنەوەیەدا، هەندێک بزووتنەوەی گرینگی وەکوو بزووتنەوەی مامۆستایان لە ڕۆژهەڵاتی کوردستان سەری هەڵداوە. ئەمەیش سەلمێنەری ئەم ڕاستییەیە کە بزووتنەوەی ڕزگاریخوازیی کوردستان بزووتنەوەیەکی فرەڕەهەندی داینامیکە کە تەنیا بۆ پرسی سەروەری سیاسی کورت ناکرێتەوە، بەڵکوو هاوکات لەگەڵ ئەم پرسە، چەندین پرسی کۆمەڵایەتیی بنەڕەتیشی لە هەناویدا هەڵ گرتووە، و بەپێی بەستێن و دۆخە جیاوازەکان هەرکاتەو یەک یان چەند خاڵی بنەڕەتیی ئەم بزووتنەوانە زەق دەبنەوە و خۆیان دەردەخەن.

بەم شێوەیە دەتوانین بڵێین بزووتنەوەی ڕزگاریخوازیی کوردستان وەک بزووتنەوەیەکی فرەڕەهەند، بزووتنەوەیەکە کە لەلایەک سیستەمە کۆلۆنیالیستەکانی بە ئامانج گرتووە و خوازیاری کۆتاییهێنان بە دەسەڵاتی کۆلۆنیالیستیی و میتراتە کلتوری و دەروونییەکانێتی لە کوردستان، لەلایەکی دیکەیشەوە کۆمەڵگای کوردستانی بە مەبەستی دروستکردنی هەندێ گۆڕانی بنەڕەتی لە بەشێک لە توخم و ڕەگەزەکانی ئەم کۆمەڵگایەدا کردووەتە ئامانجی خۆی.

 بەم شێوەیە ژمارەی ٦٤ گۆڤاری تیشک بۆ باسی بزووتنەوە کۆمەڵایەتییەکان لە کوردستان تەرخان کراوە، و ئەم باسانەی خوارەوە لەخۆ دەگرێتەوە و داوا لە نووسەران، توێژەران و وەرگێڕانی بەڕێز دەکات لەسەر ئەم باسانە وتار بۆ گۆڤار بنێرن:

  • بزووتنەوە کۆمەڵایەتییەکان لە کوردستان و جۆرەکانیان
  • پەیوەندیی نێوان بزووتنەوە کۆمەڵایەتییەکان لەگەڵ یەکتر و لەگەڵ بزووتنەوەی ڕزگاریخوازیی کوردستان
  • بزووتنەوە پیشەییەکانی کوردستان و پرسی عەداڵەتی کۆمەڵایەتی
  • بزووتنەوەی یەکسانیی جێندەری
  • بزووتنەوەی ژینگەپارێزی لە کوردستان
  • بزووتنەوە کەلتوورییەکانی کوردستان: بزووتنەوەی فێرکارییەکانی زمانی کوردی، بزووتنەوەی وەرگێڕان و نووسین بە زمانی کوردی، ڕەنگدانەوەی ئەم بزووتنەوانە لە مەیدانەکانی وەرزش و هونەردا

دوایین مۆڵەت بۆ وەرگرتنی توێژینەوەکان

٢٥ خەرمانانی ٢٧٢٢ی کوردی

١٦ سێپتەمبەری ٢٠٢٢ی زایینی

دەستەی نووسەرانی گۆڤاری تیشک

بانگەوازی گۆڤاری تیشک

توێژەرانی هێژا!
خوێنەران و هۆگرانی گۆڤاری تیشک!
بەرێوەبەریی گۆڤاری تیشک لە دەرەوەی وڵات ئاگادارتان دەکاتەوە کە لەمەوبەدوا، گۆڤاری تیشک بە شێوەی چاپکراو لە دەرەوەی وڵات لەبەردەستدا دەبێت و هەموو خوازیارانی کڕین یان ئابوونەی گۆڤارەکە دەتوانن لە زۆربەی وڵاتانی جیهان فۆرمی ئابوونەی گۆڤار داوا بکەن و بە شێوەیەکی خێرا و لە مەودایەکی زەمەنیی دیاریکراودا، گۆڤاری تیشک بگاتە دەستیان.
گۆڤاری تیشک بۆ ژمارەی ٦١ ــی گۆڤار، بە شێوەی تاقیکاری ڕێژەیەکی دیاریکراوی گۆڤارەکەی لە دەرەوەی وڵات لەچاپ داوە و بەم شێوەیە ئێوەی ئازیز ئاگادار ئەکەینە کە خوازیارانی ئەم گۆڤارە دەتوانن لە ڕێگەی ژمارە تەلەفۆنێکی تایبەت کە بۆ ئەم مەبەستە دیاریکراوە، سەبارەت بە داواکاریی خۆیان بۆ ئابوونە یان کڕینی گۆڤارەکە ئاگادارمان بکەنەوە.
بە هەمان شێوە، ئێوەی بەڕێز ئاگادار ئەکەینەوە کە خوازیارانی ژمارە پێشووەکانی وەرزی نوێ گۆڤاری تیشک، لە ئارشیڤدا هەن و ئەو کەسانەی کە داواکار بن دەتوانین بە شێوەی تایبەت بۆیان چاپ و بەڕێ بکەین.

بۆ ئابوونەی ساڵانە لە هەموو وڵاتان، گۆڤاری تیشک ١٥٪ داشکاندن دەدات و ناردنی گۆڤار بە خۆڕایی دەبێت.

نرخی کڕینی گۆڤار لە وڵاتانی ئورووپا، زۆنی ١:

ئاڵمان، ئیرلەند، ئیتالیا، ئۆتریش، ئیسپانیا، بلژیک، بۆلغارستان، پۆرتۆقال، چەکسلواکی، فینلاند، فەرانسە، کرۆواسی، لەهستان، لوکزامبۆرگ، هۆلەند و یونان ٢٥ یۆرۆ دەبێت.

دانمارک: نرخی گۆڤار لە وڵاتی دانمارک ٢٠٠ کرۆن دەبێت.

سوێد: نرخی گۆڤار لە وڵاتی سۆئید ٢٧٥ کرۆن دەبێت.

نرخی کڕینی گۆڤار لە وڵاتانی ئۆرووپا، زۆنی ٢:

بریتانیا (جگە لە جەزیرەکانی کاناڵ): نرخی گۆڤار لە هەموو بریتانیا ٢٨ پاوند دەبێت.

سوویس:  نرخی گۆڤار لە وڵاتی سوویس بە ٢٨ فرانک دەبێت.

نۆروێژ: نرخی گۆڤار لە هەموو وڵاتی نۆروێژ بە ٣١٥ کۆرۆن دەبێت.

نرخی کڕینی گۆڤار لە ئامریکا، کانادا، ئوستۆراڵیا، ڕووسیە، چین و باقی وڵاتانی تر:

ئامریکا: نرخی گۆڤار لە  هەموو ئامریکا بە ٣٥ دۆلار دەبێت.

کانادا: نرخی گۆڤار لە وڵاتی کانادا بە ٤٥ دۆلاری کانادایی دەبێت.

ئوستۆراڵیا: نرخی گۆڤار لە وڵاتی ئوستۆراڵیا بە ٥٠ دۆلاری ئوستۆراڵیایی دەبێت.

لە هەموو وڵاتانی تر وەک ڕووسیە، چین و هتد، نرخی گۆڤار بە ٣٥ دۆلاری ئامریکایی دەبێت.

بە سپاسەوە

بەرێوەبەریی  گۆڤاری تیشک لە دەرەوەی وڵات

بۆ زانیاری زیاتر سەبارەت بە چۆنیەتی ئابوونە کردن و کڕینی گۆڤار پەیوەندی بەم ژمارەوە بکەن:

ژمارەی واتساپ و تلگرامی تایبەت بۆ ئابوونە و کڕینی گۆڤار:

تلێگرام: https://t.me/GovariTishk_Aboard 

واتساپ: ٠٠٤٩١٥١١٠٣٣٨٤٢٨

کاتی بەردەست بۆ ناردنی بابەتەکان

0هەفتە0ڕۆژ

فۆڕمی سەبسکرایب

دەتوانن ئاگاداری دوایین بڵاوکراوەکانی گۆڤاری تیشک بن، لە ڕێگەی سەبسکرایب کردنی ماڵپەڕەکەمان.

سەرکەوتوو بوو، زۆر سپاس!

کێشە هەیە!

بەشکردن لەگەڵ هاوڕێیان