سەروبەرکردنی دۆخی ئێستای رۆژهـەڵـاتـی کوردستان، لە کاتێکدا ژینگەی سیاسـی و کۆمەڵایەتی و ئابوورییەکەی لە ژێر تەوژمی گۆڕانکاریی خێرا و چاوەڕوان‌نەکراودایە، گەلێـک ئەستەمە. رۆژهەڵاتـی کوردستان، لە زۆر رەهـەندەوە گـۆڕانی بە خۆوە بینیوە. ئەمـێستاکە لـەگـەڵ گـرێـچنێـکی جیـاواز و فـرەچـەشن بـەرەوڕوویـن. لێـکدانەوە و گەیشتن بە ئەنجامێکی تۆکمە لەم پازڵە، پێویستیی بە لێکدانەوەیەکی مێتۆدیکە؛ بە جۆرێـک کە تێڕوانین  وخوێنـدنەوەمان، وڵامی پرسیـارەکان تێر بکات، یان هەر نەبێ لەسـەر بنەمای ئەم گـرێچنە  پرسیـارگەلێـکی جـددی درووسـت بکرێ، بە جۆرێـک کە “بەردەنگ”ـەکان بەو کانتێـکستەی کـە پێـی دەگوتـرێ رۆژهـەڵـاتــی کوردستان ئاشنا بکاتەوە.ڕاسان  وەک قۆناغێکی نوێ  لە خەباتی نەتەوەیی  ودێموکراتیـک لە رۆژهەڵاتی کوردستان، لەگەڵ ئـەوەی کـە ناونیشانێکی جـێ کەوتووە لە یادەوەریی نیشتمان، بەڵـام پێویستییەکی ڕادەبـەدەری بە پشـوودرێژی و کار و چـالاکیی بەردەوام هـەیە. ئـەم پشـوودرێژییەش دەخـوازێ کـە بـەردەوام بـوونـی ڕاسـان بـکرێتە بنەما. ڕوانـگە گشتییـەکە ئـەوەیە کـە ڕاسـان چـوارچێـوەیـەکی بـەرینتر و بواری فراوانتر و پانتایییەکی بەربڵاوتری پێ بدرێت و پڕ بە پێستی، مانا و مۆرکی رۆژهەڵاتی بوونی بۆ قایل بین.

لـەم ڕوانـگە گشتییـەدا ئێـمە لەگەڵتان و پۆیەک لـە پێـشگریـمانە، گریـمانە  وپـرسیار بـەرەوڕووین. ڕاگـربوونـی ئەم ڕوانـگە گشتییـە، خــۆی گرێدراوی خوێندنەوەی نوێ و بەڕۆژبوونی ڕوانینەکانە. ئەمێستا کە لـەگەڵ پرسـی کـورد بـەرەوڕووین، وێـڕای ئـەوەی کێـشەکانی ئـەم پرسـە کەم نین، بـگرە ئاڵـۆزیشن. جـەوهەری ڕاسان و  ئەوەی کە چاوەرێی بەدی کردنی دەکرێ، ڕۆژهەڵاتێکی بەهێزە. گەڕانەوە بۆ “پێناسە”ی “پێنـاسـەكراوەكان” بە بـێ‌ لـەبـەرچاوگرتنی کـەلێـن و قـوژبنەکانی ناوماڵی ڕۆژهەڵات كارێكی نەكردەیە.  هەوڵدان بۆ یەكخستن و دواجار سەرخستن  و نەخشاندنی ئەم هێزە بە كیانێكی فەرهەنگی ـ سیاسیی یەكپارچە و بەهێز  تەنیا دڵخوازێکە و هیچی تر، مەگەر ئەوەی کـە دەست لە سـەر راستییـەکان دابنێیـن و نـەخشەڕێگایـەکی گونجاوی پێ ڕایی بکەین. ئەم نەخشەڕێگایە، لە دەلاقەی ڕاسانی ڕۆژهەڵاتەوە وێنا دەکرێ، دیسان بەو مـەرجەی کـە لە ڕاستیـەکان لانەدات و سەرنجیان بخاتە سەر. هەر جووڵەیەکی بەربڵاوی سیاسی و کۆمەڵایەتی، ئەوەندەی خۆی لەدوای بارستایەک لە باس‌وخواس و تیـۆری و تێڕامانەوە دێ، هەر بـەم شێوەیەش شەپۆلێک شیکاری و شڕۆڤە و پرس و تێڕوانینی جۆراوجۆریش بەدوای خۆیدا دەهێنێ. بەم شێوەیە هەموو بزاڤە سیاسی و کۆمەڵایەتییەکان ـ بەگـوێرەی بـەرتەسـک بـوون یـان بـەربڵاو بـوونیانەوەـ بـە خـەرمانەیەکی تەنک یان تۆخی تیۆرییەوە  دەورە دەدرێن و دواجار ئەو خەرمانە تیۆرییە کار لـەسـەر خـودی بـزاڤـەکەش دەکـات و ئەوەندەی شوێنـی لـێ وەردەگرێ، شوێنیشـی لەسەر دادەنێ. بزاڤـەکان ئـەوەندەی وە دوای تیـۆرییـەکان دەکـەون، هەر هێنـدەش تیـۆرییـەکـان وە دوای خـۆیان دەدەن، دیـارە ڕاسـانیش لەم رێسایە هەڵناوێردرێ. ڕاسان، گێڕانەوەی کوردبوونە و هەر لەم دەلاقەیەشەوە، کوردایەتی ئەو گوتارە زاڵەیە کە بەرامبەر بە هێزی داگیرکەر و باڵادەست، مانا بە رەفتـار و کرداری  تاکـەکان دەدات و خـۆی پێناسە  دەکـاتەوە. هـەرچۆنێـک بێـت ڕاسـان پرسیـاری لە سـەرە و لە ڕووی گوتـار و نیشـانەکانیـەوە، ئێستـاشی لە گەڵ بێت هەندێ بـواری بە بۆشایـی هێشتۆتـەوە. لێ ئەمـە مانـای وا نییـە کە ڕاسـان لە بۆشـایی هاتبێتـە کایـەوە و بەرەبـەرە ڕێی نەکردبێـت. بنەجـێ”نهادینە”کردنـی ڕاسـان بە مانـای لێـک گرێـدانـەکـەی، دەخـوازێ بە قوڵـایی  و بـە پانتاییـی گـۆڕەپـانی کار و چالاکیـەکانی، چ لە ڕووی کـات و چ لە رووی شوێنەوە،  ببێت بە دیاردەیەکی هەمیشەیی. بەو مانایە کە لە  زەینی تاکی کـورد و واقعـی کۆمەڵگای رۆژهەڵاتدا ڕەنگ بداتەوە. پەیوەندیی نێوان دوو چەمک یان دیاردە بە چەند شێوە دێتە گۆڕێ. یان هەر پەیوەندییان پێکەوە نییە، یان دژ بە یەکترن، یان تەبا و لە یەک بەستێندان. کورد بوون وەکوو ناسنامە کە هەموو ڕەهەند، لایەن و تایبەتمەندیی تاکی کورد ئەگرێتەوە، ئاخۆ دەتوانێ ڕاسانی ڕۆژهەڵات لە خۆ بگرێت؟ یان بە دیوێکی تردا لە دەلاقەی راسانەوە کوردبوون چ مانایەکی هەیە؟

error:

فۆڕمی سەبسکرایب

دەتوانن ئاگاداری دوایین بڵاوکراوەکانی گۆڤاری تیشک بن، لە ڕێگەی سەبسکرایب کردنی ماڵپەڕەکەمان.

سەرکەوتوو بوو، زۆر سپاس!

کێشە هەیە!

بەشکردن لەگەڵ هاوڕێیان