ژیانەوە | پدیدارشناسی قشر خاکستری در ایران مروری بر سویه‌های عملی... چە کسی در کردستان از مرگ ژینا... خوێندنەوەی شێعری “رەشنووسی.....

“ژیانەوە” بلاگێکی ڕووناکبیری، سیاسی و شیکارییە. هاوکات، پرسی ڕۆژ و گەرموگوڕ لێک دەداتەوە و، لەژێر چاوەدێریی ستافی “گۆڤاری تیشک” بەڕێوە دەچێت.

بانگەوازی ژمارە ٧٠ی گۆڤاری تیشک

بانگەوازی ژمارە ٧٠ی گۆڤاری تیشک:

تەوەری بانگەواز: “ململانێ سیاسییەکانی ڕۆژهەڵاتی نێوەڕاست و چارەنووسی کورد“

لە چەند دەیەی ڕابردوودا، ئاڵۆزیی نێوان کۆماری ئیسلامیی ئێران و ئیسڕائیل پەیتا پەیتا بەرز بووەتەوە و شکڵی شەڕی سێبەری بەخۆوە گرتووە. ئەو شەڕە زۆرتر لە ڕێگای گرووپی نیابەتی، تیرۆر و هێرشی سایبەرییەوە ئەنجام دراوە. پاش شەڕی نێوان حەماس و ئیسڕائیل و کوشتنی فەرماندەی باڵای نیزامیی کۆماری ئیسلامی لە کونسوڵگەریی ئێران لە دێمشق، ئێران هێرشێکی بەربڵاوی بە دڕۆن و مووشەک دژ بە ئیسڕائیل ئەنجام دا. ئیسڕائیلیش لە وڵامدا سیستەمی دژەموشەکیی S-300ی نزیک لە بنکەی ناوەکیی نەتەنز لە ئیسفەهان کردە ئامانج.

بەو پێیە، پرسیار ئەوەیە ئایا ئەم گۆڕانە — واتە لە شەڕی سایبەرییەوە بۆ ئەنجامدانی هێرشی ڕاستەوخۆ — وەرچەرخانێکە یان نا؟ ئەگەر وەرچەرخانە، ئایا دەکرێ وەک گوزارشت لە ئاوابوونی نەزمێکی نوێی ناوچەیی ببیندرێ؟ ئەگەر وایە، «نەزم» بە چ مانایەک و چ ئاکامێکی دەبێ؟

بۆ ژمارەی داهاتووی گۆڤاری تیشک، داوا لە نووسەران، توێژەران و ئەکادێمیسییەنە ئازیزەکان دەکەین سەبارەت بەو گۆڕانەی کە لە سەرەوە ئاماژەی پێ دراوە، وتارمان بۆ بنێرن و جەخت لەسەر ئەم تەوەرانەی خوارەوە یان هەر تەوەرێکی دیکەی پەیوەندیدار بکەنەوە:

* هۆکاری ڕیشەیی کێشەی نێوان کۆماری ئیسلامیی ئێران و ئیسڕائیل بۆ چی دەگەڕێتەوە؟

* دەوری ئەمریکا لە ڕابردوودا لە کێشەی نێوان ئێران و ئیسڕائیل چی بووە؟

* ئەمریکا لە داهاتوودا چۆن مامەڵە لەگەڵ بەرزبوونەوەی ئاڵۆزیی نێوان ئێران و ئیسڕائیل دەکا؟

* ئایا ئەم گۆڕانانەی لە ئارادان، گوزارشتن لە ئاوابوونی نەزمێکی نوێ یان تەنیا تووندبوونەوەی ئاڵۆزییەکانە؟

* زلهێزانی دیکە وەک چین، ڕووسییە و هەروەها وڵاتانی دیکەی ناوچە، وەک تورکییە و سعوودییە، چ دەورێکیان دەبێ؟

* ئەم بارودۆخە نوێیەی ڕۆژهەڵاتی ناوین چ ئاکامێکی دەبێ بۆ کوردستان بەگشتی و ڕۆژهەڵاتی کوردستان و بزووتنەوەکەی بەتایبەتی؟

* بەهێزتربوونی حزووری ڕووسییە و چین لە ڕۆژهەڵاتی نێوەڕاست و کەمڕەنگبوونەوەی حزووری ئەمریکا لە ناوچەدا چ کاریگەرییەکی لەسەر داهاتووی کوردستان دەبێ؟

* ئێرانی ناوەکی چ کاریگەرییەک لەسەر کێشەکانی ڕۆژهەڵاتی نێوەڕاست دادەنێ؟ ئایا زیادبوونی ناکۆکییەکان دەرفەتی دیپلۆماسی بۆ هێزی کوردی دەڕەخسێنێ؟

ژیانەوە

ئاگاداریی گۆڤاری تیشک لەبابەت دەستبەکاربوونی بڵاگی “ژیانەوە”؛

پێناسەی بلاگی “ژیانەوە”

“ژیانەوە” بلاگێکی ڕووناکبیری، سیاسی و شیکارییە. هاوکات، پرسی ڕۆژ و گەرموگوڕ لێک دەداتەوە و، لەژێر چاوەدێریی ستافی “تیشک” بەڕێوە دەچێت. ئامانجی “ژیانەوە” سازدانی بەستێنێکی دێمۆکراتیک و گونجاوە بۆ دیالۆگی نیشتمانی لەنێوان نووسەر و ڕووناکبیرانی کورد سەبارەت بە پرسی ڕۆژ و مژارەکانی وەک (سیاسەت، ناسیۆنالیزم، پێوەندیی نێودەوڵەتی، فێمێنیزم، ژینگە و ئابووریی سیاسی).

مەرجەکانی بڵاوکردنەوەی وتار:

١- وتارەکان پێوەندییان بە پرسی ڕۆژەوە هەبێت و، لە ڕوانگەی بەرژەوەندیی کورد و خەباتی فرەچەشن بۆ ڕزگاریی کوردستان نووسرابن.

٢- گۆڤاری “تیشک” دەرفەتێکی گونجاوی بۆ مژاری تیۆریک و بابەتی ئاکادێمیک ئامادە کردووە کە نووسەران دەتوانن بۆ بڵاوکردنەوەی وتار و شیکارییەکانیان لەو گۆڤارەدا بەشدار بن. هەر بۆ ئەم مەبەستە بلاگی “ژیانەوە” خۆ لە وتاری تیۆریک و شیکاریی ئاکادێمیک سەبارەت بە پرسی ڕۆژ دەبوێرێت و، هەوڵ دەدات وتارەکان لە ئاستێکدا بن کە گشت توێژەکانی کۆمەڵگا بەردەنگی بن.

٣- وتارەکان لە ١٥٠٠ وشە زیاتر نەبن.

٤- وتاری وەرگێڕدراو لە زمانەکانی دیکەوە بە مەرجێک بڵاو دەکرێتەوە کە دەقی سەرەکییەکەش هاوپێچی وەرگێڕدراوەکە بکرێت و، پاش پەسندکردن لە لایەن دەستەی بەڕێوەبەرییەوە، بڵاو دەکرێتەوە.

٥- وتارەکان دەبێ ڕەچاوی مەرجەکانی زمانەوانی بکەن کە لە سایتی گۆڤاری “تیشک”دا هاتووە.

٦- وتارەکان لەژێر چاوەدێریی دەستەی نووسەراندا مافی بڵاوکردنەوەیان پێدەدرێت.

۷-دەستەی نووسەران تەنیا لە بەرامبەر ناوەرۆکی ئەو وتارانە بەرپرسیاره کە بە ناوی خۆیەوە بڵاو دەبێتەوە.

وێڕای ڕێز و حورمەتێکی زۆر

دەستەی نووسەرانی گۆڤاری تیشک